GT Bluetooth
De Bluetoother pointed out how once again Uncle Corbin put he foot in he mouth and he can’t get it out. Just like Freddie, Glenn and CN.
Yuh would believe that with dem mouth suh big, dem foot would come out easy. Apparently, dem gat big foot. Just like de “suspenders” man, Uncle Corbin get catch wid he pants down. He now in “puckatery”. He looking fuh names. Uncle Bharrat challenge he fuh name de people he seh he get advice from. Uncle Corbin can’t find none. He look through all de telephone directory and de electoral list. He ain’t find no fake names.

Fuh “polish” off, he write a long letter sehing how he don’t have to name de names. He seh he was just trying to serve notice. Apparently he just want to be noticed since he ain’t gon be de Palm Tree candidate. He can’t do without de publicity suh he mek up de story.

What he ain’t telling people is that he done choose a man. Not what yuh thinking. He done choose de former army man as he proxy. De man mek Uncle Corbin happy. Dem mek a pre-nuptial agreement. Uncle Corbin gon remain de Palm tree czar even if de man turn President. Basil and de others seeking advice to know if two man can mek pre-nuptial in Guyana. Is sheer confusion. Harding now losing “faith”, James can’t “bond” and Carl seems “green” fuh de job.

Uncle Corbin meking sure that he always in de limelight. Even if it means sehing things that he can’t prove. He even open a “investigative” company to strengthen he “foot-in-de-mouth” syndrome.
De company is CSI: Corbin Sheer Ignorance. The name fitting since, given Uncle Corbin history, yuh Can’t Stop Ignorance. Hmmm!