GT Bluetooth

Is sheer men in de bed
DE Bluetoother, like everybody else, following de current issues related to de upcoming elections.

When yuh look and see what happening with de hOpposition and dem cronies in some section of de private media, is sheer desperation. Even though de same set o’ de private media is branches of de All Fuh Crap (AFC) or David A Party Now Useless, APNU, dem can’t cover up de progress and developments that tek place and which continue to benefit all.

Is long now de Waterfalls paper three stooges, Glen, Adam and Freddie along with dem pals in de Big Market paper and caPITal and Crime news, trying fuh “comfuffle” people that noting ain’t happening.

Fuh dem everything is a failure yet all o’ dem does be dining in de fanciest of restaurants here and driving de most expensive vehicles! If things so bad den how dem meking it? Is it that some o’ dem doing “something else” as dem boys seh? De truth is de hOpposition, like that section o’ de media, gat to oppose everything even if it mek dem look like hypocrites.

What dem don’t realise is that people can’t be fool no more. De days when de Coconut Tree Party use to fool people, done. People know progress when dem see it. De fact that dem same set o’ media people using de latest technology to do dem wuk, show that de country ain’t backwards like it use to be when de Coconut Tree Party was mis-ruling de nation.

De country now modern thanks to Uncle Bharrat and de House of Freedom. Progress mek de hOpposition desperate. Dem can’t stand pun dem own. That is why dem forming unholy alliance.

Remember Uncle Rodney before he get assassinated was fighting de oppressive Coconut Tree Party? Well he now tossing more than a spinning coin in he grave fuh see de Party he form now in bed with de man who was allegedly in charge of hijacking de ballot boxes then! Glen, Adam and Freddie in de same bed too. Is sheer “hijacking” taking place there. Whatever dem do in that bed is dem business. One thing fuh sure, is that de only action dem gon be doing during and after de election, is following. De Donald way ahead! Hmmm!

SHARE THIS ARTICLE :
Facebook
Twitter
WhatsApp
All our printed editions are available online
emblem3
Subscribe to the Guyana Chronicle.
Sign up to receive news and updates.
We respect your privacy.