GT Bluetooth
De Bluetoother did mention before how wicked Uncle Freddie and de Waterfalls paper is. Plenty time when Uncle Freddie download he miasmic mess in de dumpsite in Saffon Street, it full of not only de usual crap, but with dangerous calls fuh violence. Plenty time he calling fuh revolution and suh. Plenty time he call fuh more protest and de return fuh “more fyah, slow fyah”. Even when de criminals get move from de Stabroek market square, he call fuh de criminals fuh protest.

He know what de protest do in de past. Plenty people get beat and rob and plenty business get bun down. People couldn’t go to wuk and school children was prevented from learning. De protests set de country back. Is only because of Uncle Bharrat and he cabinet good management that things prospering fuh years now. It clear that since Uncle Freddie always calling fuh chaos, that he directly calling fuh innocent Guyanese fuh get rob and beat up.

It clear that he calling fuh business fuh suffer at de hands o’ criminals. From all he miasmic outpourings, it clear that he gat a ‘soft’ spot fuh de criminals. It clear that he support dem activity even though de real vendors at the Stabroek square seh how dem glad that de guvment do what dem do and that de thieves gone. Uncle Freddie vex that de thieves gone. Ah Bluetoother was bold fuh ask if Uncle Freddie does benefit directly from de criminals. He investigating it.

A man name Harry challenge Uncle Freddie fuh name a “Mr. Wild Man. Everybody know that Uncle Freddie and de “Wild Man” did share de same room for a couple o’ days before last Christmas. Dem was together in a GT cell. Apparently space is not de only thing dem share. De same “Wild Man” did serve five years. It look like Uncle Freddie like to associate with people of such. No wonder he sympathetic to de criminals. De Top Cop Commissioner must tek note. Advocating fuh violence is a crime. All he gat fuh do is look in de miasmic Waterfalls paper. De Bluetoother sending a respirator. Hmmm!