GT Bluetooth
De Bluetoother would like to congratulate all Afro-Guyanese on this the ‘International Year for People of African Descent’. De UN designate de year to celebrate all their
achievements throughout de world. Is celebrations all over. Even people who not of African ancestry gon be celebrating too. After all, everybody is brother and sister. Here people can’t wait fuh de soirées to
begin. However, it gat a few, well three, who want fuh put “spokes” in de celebrations. De big joke is that de three is of African ancestry; Uncle Corbin, de Adams boys from
Linden and Eric De Flip!
Every year around Emancipation time, dem does jostle fuh deh in de media fuh “big-up” African achievements. Every year Uncle Bharrat does give money to plenty group, including Eric one, to help in de celebrations.
Now that fuh de first time in all history it gat a year set aside to celebrate dem achievements, dem fighting. Dem ain’t want de guvment to be involve in de celebrations. If de
guvment did seh it not doing anything, de same three would jump up quick and seh that de guvment ain’t care ‘bout people of African descent!
Dem holler that people here of African descent not involve in de planning. Uncle Frank skin up all de names o’ de committee. All is African brothers and sisters! Even Aubrey
Norton, a MP fuh Uncle Corbin, deh pun de Economic committee! Dem just like three blind rats just looking fuh create mischief. How come dem don’t tell Uncle Bharrat dem ain’t want money fuh Emancipation? How come dem don’t boycott that? Is like dam if guvment do and dam if dem don’t.
It just show how de three o’ dem minds narrow like some supermarket isle round GT. A Bluetoother seh how de three want Uncle Bharrat fuh fork out plenty money and gee dem fuh celebrate alone.
Dem get de opposite o’ “hen” instead! It show how dem not inclusive and only think ‘bout dem selves. Fuh once dem can’t forget that dem is Opposition politicians. Anyway, nobody worry ‘bout dem pushing “spokes” since everybody driving car and bicycle hardly around! Hmmm!