De groundless few get #@&*#
Bluetoothers know some two mouth people. When “buseing” a two-mouth person, a set o’ “adjectives” that can’t get print does get use. So symbols will represent de “adjectives”. It gat a set o’ #@&*# two-mouth people in addition to dem boys in Charlestown. David, with de same last name as de PM; Trotman, with de same first name as Prezee Hoyte; “Busey Guyana”, with former initials of SK, and some minions, bad-talking de guvment even though dem ain’t gat no “groundings” to do so.

This bad-talk not related to bad grammar. It gat to do with de bad-talkers #@&*# hatred fuh de guvment. Dem #@&*# groundless and inciting balderdash does get pass as discussion pun a certain TV station. De “busers”, with one mouth does seh how de guvment not concern with Buxton and that Uncle Bharrat ain’t want visit de place. But, dem not telling dem five viewers that over the years guvment start and complete plenty projects in Buxton. If dem do suh dem gon look more bad than dem sound.

Dem #@&*# scared fuh seh development taking place in Buxton. With de same mouth dem “fallacy-ising” that Uncle Bharrat not welcome in de village. Well, lo and behold, de Buxtonians mek dem look like a bunch o’ #@&*# jackasses! Plenty people turn up and welcome Uncle Bharrat with open arms to de beating of drums. De hall was full. De people happy. After de successful visit, de groundless few, now talking with dem other mouth bad-talking de visit.

But who dem speaking for? It can’t be de Buxtonians. Even loud mouth Lincoln seh “guvment is constitutionally bound to manage in the interest of all and that Buxton is no different”. Isn’t that what Uncle Bharrat doing? If dem ain’t hear Lincoln, dem deaf! Isn’t deafness proportional to age? Suh if yuh see five people with placards sehing “#@&*#, #@&*#, #@&*#” outside de TV station where de groundless few does take up space, don’t be surprise. Dem just trying to tell dem, “#@&*#, #@&*#, #@&*#”, meaning “#@&*#, #@&*#, #@&*#” jackasses! Hmmm!