De prayers went in vain
De other day ah noticed a set o’ people gathered in a circle-like formation in a city street. De three-row thick gathering mek it impossible to see what was in de middle. Dem chanted hymns loud loud. Curious, I stop and join de plenty others who was looking on. After de hymns, de person in charge start to pray and ask everybody else to join in.

Not knowing de words, ah move me lips just like how plenty people who ain’t know de National Anthem and Pledge does do when dem at certain functions and know that TV cameras around. De long prayer session mek a remember a certain man who tell me what does happen when yuh give a preacher-man a microphone and a crowd.

By then more people gather round. De whole street get block up. Cars and cows couldn’t pass. De cars honk and de cows moo. It was plenty noise. De preacher-man raised he voice so that everybody and de cows could hear he. After two hours everybody open dem eyes. By then five sheep, two goats and three horses joined de cows. Eventually de police reach and ask what going on.

De preacher-man stammer giving away that he meking an excuse. He seh dem praying fuh de West Indies team. De police look more surprise than me. I couldn’t believe people still gat hopes. Dem must be “die-hard” fans. Anyway, de police give dem five minutes fuh wrap up. What ah see when de crowd move off left me both shock and amuse. Pun de ground was a horse; a dead horse. De poor cart-man who own de dead horse ask he preacher-man friend to pray fuh de horse so it could “liven” back. De similaritieswith de cricket team still hilarious! Hmmm!