David getting a cat-scan!
DE Bluetoother was out for a lil lengthy period. And boy, did plenty things happen! Donald became the Presidential Candidate fuh de House of Freedom; Bin laden get killed, Tiger and de West Indies Board “konkee” didn’t boil fuh a while, and West Indies actually win a Test match! Some seh is because Bin Laden get kill in Pakistan, de team distracted mek de West Indies win. Some seh is because Sammy know that he can’t hold he place mek he perform and lead from de front.

Talking ‘bout holding place, it look like de Ballot Box Czar, GrANGER, place looking very shaky. Since he turn PC fuh de Jungle in Sophia, he believe that he gat licence fuh talk anything. He open he mouth and right away garbage pile up in de City! Even Uncle Corbin can’t tek it despite meking Guyanese hold dem breathe due to de plenty stink he Party create when it was in office. Uncle Corbin fuming from de stench David create. Loyal Party Comrades calling de man David De De-ranger! Fuh short, David Deranged!

David seh that he gon sell out the Sugar Company and other important entities. Some want fuh know if is bruk he bruk and he short o’ “paisa” mek he want sell. Others sehing that by selling out everything he ain’t got nothing to manage which is what he really good at; managing nothing! Remember he had a mazagine, “Guyana Review” that flap and end as part o’ de Big Market paper? Well that just goes to show how “well” de man can run things! Don’t be surprised if yuh see David doing a cat-scan fuh see if he marbles still upstairs!

Plenty sehing that only people without marbles would sell out de country. Others seh by declaring early that he gon sell out big companies and put thousands out of dem jobs, he not really doing anything different from what Uncle Corbin Coconut Tree Party used to do when dem was in office. Remember dem sell out plenty companies just before 1992? De sales mek de country lose plenty tax fuh development. Remember? That was how de Coconut Tree Party use to operate. David just continuing de policy! That is why he is de Party PC; Puppet fuh Corbin! Hmmm!