Glenn and Adam getting awards
De Bluetoother would like to congratulate all de people who will receive National Awards (NA) fuh 2011. De awards return after an absence of some years. It is most welcome. Uncle Sam lead the awardees this year. Congrats Uncle Sam. You deserve it and so do the others. De Bluetoother can e-magine de feeling of getting recognise fuh years of contribution to de betterment of de country and de people. Is patriotism and selflessness getting reward! All de awardees happy. They now got some letters after dem name. Some not happy though, like some of dem boys in Saffon Street.

Dem sour like puss ‘bout de awards. Uncles Glenn and Adam “puss-vex” that, as dem claim, dem didn’t get the list of de awards to publish. Now, de list was embargo till Sunday, so they couldn’t get it before. Dem claim they didn’t get it when it was e-mail. Is not de first time dem using that excuse. Is either dem internet down or dem not checking de mails. Anyway, like real sour pusses, dem vex even though dem get de list to publish after meking a “stink”. De Bluetoother want fuh know how come dem don’t publish stories and pictures of de plenty projects and development that happening everyday?

De guvment does send out stories to all de media everyday ‘bout de progress that continue. Glenn and Adam don’t create a “stink” when dem don’t publish good news even though dem get it everyday! Convenient “stinkers”? Some of de same boys in Saffon Street seh that de real reason why Glenn and Adam create a “stink” ‘bout de list, is that dem wanted to see if dem names pun it. Dem expect to get a award. Dem disappointment led to de “stinkness’. What dem forget is de National Award (NA) is not fuh telling untruths and sensationalism!

Fuh Glenn and Adam to get a award a new category got to be created; the Nuisance Award (NA) since dem Not Applicable (NA) fuh de National Award (NA). With de Waterfalls paper NA, Nasty Attitude, Glenn and Adam hopes fuh a real NA look hopeless. Even if dem get a NA, de State will get a hard time defending de award to dem. Who could defend giving non-patriots a National Award? Maybe they deserve another kind of NA; Numbskull Award. Glenn lucky though, he got two NAs: a Numbskull Achievement and a Nagging Adam! Hmmm!