De Champions of dirt
Bluetoothers did “bouncing” ‘bout champions of Guyana. Dem know ‘bout Uncle Bharrat who get champion award fuh helping to save de planet. Dem remember “Six Head”, “Big Truck”, “De Stealth Bomber”, Vivian and so on in boxing. Plenty name get mentioned; even Champion baking powder and black pepper. None o’ de young Bluetoothers remember though that West Indies was once champions o’ cricket. One seh de only champion de current team can be is champion of losers!

Dem always “winning” de losers trophy and is now de mascot of such endeavours. Just like how when yuh see dem yuh see losers, dem gat some other people right here when yuh see dem yuh know dem is champion of something. Dem gat a man who is champion of peeping, one who is champion of mekking schoolgirls run since he is known as a champion molester and a champion “pot-salt” who like be in everything even after being in jail fuh five years.

Yuh gat some champion busers. De way dem does buse mek some who SASOD does represent and who could really buse, look like nothing. Everyday Uncle Freddie buseing de guvment and seh how things bad. Yet he living in a fancy house and driving round in a fancy vehicle and gat freedom. He treason-accuse partner gat some expensive fancy vehicles and ain’t gat a job! Yet things bad. Dem trade unionist colleague who gat de same last name as “Six Head” living in a mansion in East Coast and travelling plenty. Yet things bad!

These three musketeers always talking ‘bout being patriotic but always putting down Guyana. Everyday dem throwing dirt. Uncle Freddie throw so much dirt that one day de dirt get vex and operate like a boomerang! Word is that a prominent organisation which does give yearly awards adding a new category. It gon gat “ties” fuh first place. So if yuh see something rush pass yuh pun de road, it not a minibus rushing to beat de red light, is Uncle Freddie and he miasmic cabal racing to collect de first trophy of de “Champion of Dirt”. One Bluetoother seh Hammie done win since with all de dirt in de city, he ain’t need to rush. Hmmm!